empty brain, empty life

講明先，我得兩個人係有相不過基於係朋友我唔會出賣﹗要睇圖既可以返歸﹗
不過我覺得呢一年幾多左留意身邊所有人，發現上帝可能創造人類都技窮，
或者近呢廿年已經有左啤膠倒模技術，身邊好多人都同藝人相似，Sad已SO

打頭陣係-----
西鐵中河內雅貴：馮先生
剛好一年前同佢講第一句說話，而家都keep住有傾計，搭訕可以friend到咁，連我身邊d男性朋友都話好佩服我咁有勇氣…
霎眼望佢真係幾似masa，個輪廓好易認得出，同masa一樣對眼好深逐，不過鼻就高過masa，
唇薄，性格上…傲嬌(死)，但同masa一樣愛狗
係佢令我開始留意世上係咪咁多人有相似~﹗

朗屏上島雪夫：不知名阿叔一位
真係九成九似，我開頭望果陣真係想笑，但阿叔就無謂搭訕啦~人地仲要係等緊老婆一齊搭車，比人誤會釀成血案就唔好啦~
呢位叔叔似乎係做小巴司機

利豐鈴木擴樹：潘先生
某d角度睇會幾似，但好老實我覺得鈴木並唔靚仔……不過我朋友把聲好好聽，加分(巴)

時信蘇民峰：忘了姓氏
連聲都一模一樣﹗以前係果棟打過工，連同事都叫佢蘇師傅﹗

港鐵呂良偉：不知名的哥仔一位
佢其實都幾有正義感，係個髮型似黑羽春風令我忍唔住笑……有次我唔小心踩中阿嬸一野，已經好快縮腳，
同埋不停say sorry講對唔住唔係有心，不過阿嬸力拔山河氣蓋世係咁鬧，連返大陸比人踩中果筆都入我數，
本來以為我要破戒出獅吼功，點知呂良偉就冷笑話『唔好搭地鐵囉』阿嬸即時收口，
令我唔洗眾目睽睽下放棄淑女(?)形象，而呢位哥仔好似係做教書

黃金小野健斗：不知名小弟一位
樣真係有七成似，身高…普通啦唔似健斗咁出眾，但見過一次咁大把，之後唔知係咪冇做，
已經冇見到佢，如果大家行過門口go go game見到不妨通知我﹗

青衣馬場徹：唔記得咩名，朋友個朋友個朋友…
上星期私影一位攝影，身高一般唔似88咁高，但樣真係八成似，拎相出來連同行五個男人都話堅係似，
目前正努力爭取add facebook或msn(喂)