empty brain, empty life

內容真係唔係個個頂得順，尤其天真既小朋友同死忠masa飯慎入，
要嘈我因住仆街死

電腦上睇唔到封面有腳毛，但原來實物拎上手睇又好覺眼
(妖你係男人都有腳毛架啦)

加拿大毛一邊多一邊少
(你硬係要留意埋呢d野？毛髮生長期不一好正常啦，何況佢演myu係要剃)

比例上masa條腰都幾粗，唔跳舞的話應該會即肥
(總算叫正常d既評論)

特典兩張相最需要回水，一張mk到喊另一張皮膚差過我
(係你自己抵唔住頸要買特典版)

著底橫果兩張真心覺得唔好睇，一係你直情除埋一係就換過件
(著又嫌唔著得嫌，你條八婆都好難服侍喎)

順帶一提masa係偏左，咩野偏左？純真小朋友唔好問啦，但我前男友都話正常八成男人都係偏左
(又黎喇…硬係要留意呢d野既…)

有兩張係佢食煙，至於佢係真係為拍本野先食定係本身有煙癮？
不過其實佢之前係宮島定邊度拍張跳起既相我已經懷疑佢褲袋果個係煙定係電話，
朋友又話日本d電話大舊，但我又覺得個長度闊度都似煙盒，加上masa棚牙又唔算十分白…
不過佢唔係學聲樂咩？照計要識養聲唔食煙……不過佢食煙手勢好造作
(成輯新宿相亦好mk)

究竟腳上好細果個紋身係真係佢自己定係又係畫上去？但睇深淺又似係紋上去
(你唔係數人腳毛的話都未必會望到)

股形唔算靚，係靠拉低打底褲來托
(你不如轉行去做咸書編輯啦)

masa堂眉間距都算窄，中國相學來講應該係小氣之人
(比你係咁數都應該冇人可以咁大方呱？)

其實佢做久藏真係好形，證明佢做呢d角色會仲形過佢本身自己
(你終於有樣野叫讚人)

紋身邊鬼個畫架？d美感咁差，鳳凰頭變白斬雞，唔掂囉，手震就用印水紙啦
(比你畫咪又一樣畫返隻XO出來﹗)

其實呢本係咪馮某軒/馮諾某寫真集？兩條友真係似樣都喊﹗
唔係阿諾真人高masa成10cm我估我已經認錯人﹗
(仲要白痴到拎masa張相去問阿諾識唔識相中人……)

masa你唔好成日搞到自己咁江湖味得唔得？
不過，我依然係咁喜歡你既~~~雖然六舊水真係……………………